LAOAG CITY – Balligi ti naiyuswat a drug buy-bust operation dagiti otoridad iti Barangay 23 ditoy ciudad ti Laoag.
Nabigbig ti subject ti operasyon a ni Michael Daca, agtawen ti 33, awanan ti asawa, maysa a tricycle driver ken residente iti Barangay Bengcag ditoy ciudad ti Laoag.
Nagatang kenkuana babaen ti police pusuer buyer ti maysa a sachet ti naglaon ti maipagarop a shabu nga agbalor ti sangaribo a pisos.
Nakumpiskar pay kenni Daca ti maysa a kalibre 22 a paltog nga addaan ti uppat a bala nga adda iti belt bag na, maysa pay a sachet a naglaon met laeng ti maatap a shabu ken ti tricycle daytoy.
Mainaig iti daytoy, inpetteng ni Daca a saan na a kukua dagiti nakumpiskar kenkuana ken saan nga aglaklako ti droga.
Dinakamat na nga adda ti pasaheros na manipud iti Nangalisan ken mapan iti asideg iti ospital ken maarkila kuma mapan a mapan iti Barangay Gabu isu metten ti pannakatiliw.
Inpalgak na a nabayagen idi naudi a nagusar iti maipagarop a droga.
Kabayatanna, inbatad ti PDEU a ni Daca ket karaman iti Top 10 iti Drug Watchlist ti PNP-Region Office 1 ken daytoy ket inbutaktak dagiti ummunan a natiliwan a drug personality ditoy ciudad.
