LAOAG CITY – Inbatad ni Mr. Johnlery Deximo, Senior Science Research Specialist iti Phivolcs a posible nga agtultuloy pay dagiti aftershocks a marikna kalpasan ti gingined idi kalman a nagsentro iti Abra.
Basar iti datos, kunana a nagpatingga itay ala-una ti malem ket addan ti nasurok 800 nga aftershocks ti narikna no sadinno a ti kapigsaan ket magnitude 5.0 itay parbangon.
Inbatad na a kaadoan kadagiti aftershocks ti gingined ket marikrina iti probinsya ti Abra, Ilocos Sur ken Ilocos Norte, Kalinga ken Cagayan.
Segun kenni Deximo, no adda ti mapasaran a napigsa a gingined ket masansan nga agpaot iti sumagmamano a lawas wenno bulan ti marikna nga aftershocks.
Mainaig iti daytoy, kunana nga agtultuloy ti panagmonitor ti ahensya ken ti assessment.
