LAOAG CITY – Umabot iti 170 a kameng ti Bureau of Fire Protection (BFP) ditoy Ilocos Norte ti naipatulod idiay probinsya ti Abra tapno tumulong kalpasan ti idadayyeg ti napigsa a gingined.
Daytoy ti inbatad ni Fire Senior Inspector Ronald Castillo, ti firemarshall ditoy ciudad ti Laoag.
Segun ken ni Castillo, immuna a naipatulod ti 100 a kameng ti BFP ditoy probinsya, simmaruno dagiti 70 a kakadwa da.
Saan met a masinunuo ni Castillo no kasanu ti kabayag dagiti naipatulod nga augmentation ti BFP iti probinsya ti Abra.
Innayon na a gapu iti daytoy ket nakanselar paylaeng ti day-off ken bakasyon dagiti amin a kameng ti BFP iti intero a probinsya.
