LAOAG CITY – Inpakaammo ni Konsehal Marvin Pascua iti ili ti Solsona ken maysa a retirado a pulis dagiti addang sakbay nga agbalin a naan-anay a security guard.
Segun kenkuana, masapol nga umuna a makaala ti lisensya nu sadino a sakbay a maala daytoy ket nasken a dumalan iti training.
Kuna na a ti nasao a training ket adda iti monitoring ti Civil Security Group (CSG).
Inlawlawag na a napateg ti panagensayo dagiti agbalin a security guard gapu ta maipanggep iti seguridad ken pagtalgedan ti publiko ti trabaho dagitoy.
Immuna iti daytoy, inpakaammo ni Pascua a napateg ti panagikot ti paltog dagiti kameng ti security tapno masalaniban dagiti masapol a mabantayan a sanikua.
Nu pay kasta, inbatad na a nu awan ti lisensya ti security guard a nakaikot ti paltog ket maibilang nga illegal possession of firearms.
Innayun na a 50 a ribo a pisos met ti multa dagiti awanan ti lisensya a security guard ken agik-ikot ti paltog.
