LAOAG CITY – Ballaigi a naarestar dagiti otoridad ti TOP 3 DILG Most Wanted Person iti Regional Level babaen ti warrant of arrest babaen iti koordinasyon ti PNP-Pagudpud, natiliw ti suspek babaen iti koordinasyon ti kapulisan iti Binangonan MPS, PIU-INPPO ken Counter Intelligence.
Nabigbig ti suspek a ni Richard Allado y Curammeng, agtawen ti 52, tubo iti Pob. 2 iti ili ti Pagudpud ngem agdama nga agnanaed iti 32 Sampaguita, St. Brgy. San Carlos, Binangonan, Rizal.
Naarestar daytoy iti Brgy. Calumpang, Binangonan, Rizal ken babaen ti bileg ti Warrant of Arrest nga inisyu ni HON. FELIX SALVADOR, Acting Presiding Jugde, RTC Br 19 gapu iti kaso a Rape.
Awan ti nairekomendar a piyansa iti suspek ken manamnama a masidatag iti korte a naggapoan ti warrant of arrest.
