LAOAG CITY – Inpetteng ti spokesperson ti Britain’s foreign ministry nga awan ti moral right ti Russia tapno agtugaw iti Group of 20 (G20) nations summit gapo iti agtultuloy nga addang na a panangraot iti Ukraine.
Segun iti daytoy, welcome kadakuada ti effort ti Indonesia a mangipasigurado a ti impact ti panangraot ti Russia iti Ukraine ket karaman iti G20 meetings.
Ti nasao a G20 meetings ket maiyuswat intono Nobyembre idiay Bali, Indonesia.
Rumrumuar pay a mismo a ni Ukraine President Volodymyr Zelenskiy ket agatendar iti G20 Leaders Summit.
Ti rakurak ti nasao nga opisyal ket kalpasan ti panangkumpirma ni Indonesian president Joko Widodo nga agatendar da Russian President Vladimir Putin ken Chinese President Xi Jinping.
Daytoy met ti kaunaan a summit a maiyuswat sipud nangrugi ti panangraot ti Russia iti Ukraine ken ti tensyon iti Taiwan.
Naamoan a daytoy met ti kaunaan a gundaway a ni Xi ket rumuar iti pagilyan da sipud idi Enero 2020 wenno sipud inrikep da ti border da gapo iti pandemya.
Kabayatanna, mapadpadaanan met ti summit nangruna ket agatendar pay ni US President Joe Biden, ngem saan pay a kumpirmado no makitaripnong kenni Putin.
