LAOAG CITY – Addan ti agarop 50 nga ektarya a kataltalonan ti apektado iti idudurak ti Bagyo Florita.
Daytoy ti inbatad ni Atty. Charito Malicad, ti Information Officer ti lokal a gobierno ti ciudad ti Laoag.
Itay laeng bigat, nangiyuswat pay ti ocular inspection ti nagduduma a departamento ti gobierno ditoy ciudad ti Laoag nga indaulwan ni Mayor Michael Marcos Keon pakaseknan pay laeng iti Bagyo.
Segun kenni Malicad, ininspeksyon da ti posible a dadael iti benneg ti agrikultura partikular iti Barangay 28 pakairamanan iti Barangay 29.
Kinumpirmaran ni Malicad nga adda dagiti naitep a raep iti nadakamat a lugar.
Mainaig iti daytoy, patien ni Malicad nga addan to met laeng ti mapagsasaritaan seknan iti assistance kadgaiti apektado a mannalon.
