LAOAG CITY – Napilaanen ti kaso a double murder ti maitudtudo a suspek iti napasamak a pammaltog iti Barangay Subec iti ili ti Pagudpud a nakatayan dagiti agikit.
Nabigbig dagiti biktima nga isuda Lea Baloloy, agtawen ti 39 ken ti kaanakan na a ni John Kurt Daguro, agtawen ti innem ken agpada a residente iti Proper Dos, Brgy. Subec iti ili ti Pagudpud.
Immunan nga inbatad ti PNP a magmagna dagiti agikit iti igid ti kalsada ken agturong da iti tianggi idi kellaat a pinaltu-paltogan dagiti riding in tandem suspects a naglugan iti nangisit nga honda TMX ken nakasuot dagitoy ti helmet.
Iti panangiyuswat dagiti otoridad ti naun-uneg nga imbestigasyon ket natiliw da met laeng ti suspek.
Nupay kasta, awan pay ti naan-anay a detalye nga inparuk-at ti PNP no kasanu da a nabigbig ken natiliw ti maitudtudo a suspek iti napasamak a pammaltog.
