LAOAG CITY – Nagballigi dagiti otoridad a nangtiliw iti maibilang kas Top One Most Wanted person ditoy Ilocos Norte.
Ti akusado ket agtawen ti 51, mannalon, ken residente iti Barangay 7, Pait iti ili ti Vintr.
Basar iti report, ti akusado ket natiliw iti Barangay Poblacion 1 iti ili ti Adams babaen ti bileg ti warrant of arrest nga inparuk-at ni Presiding Judge Charles Javier Magpale Calapini iti Regional Trial Court (RTC) First Judicial Region Branch 19 iti ili ti Bangui gapu iti kaso na a 2 a counts a panagrames.
Awan ti nairekomendar a piyansa ti akusado para iti temporaryo a pannakawaya-waya na.
Iti agdama,nagtalinaed ti akusado iti kustodyar iti Philippine National Police iti ili ti Adams.
