LAOAG CITY – Inbatad ni Miss Genalyn Sambrano iti Health Education and Promotion Office (HEPO) iti gobierno lokal ditoy ciudad ti Laoag nga ad-adda pay a pinaigetan da ti iyus-uswat da a vaccination campaign kangrunaan na iti panag-booster kontra iti covid-19 virus.
Segun ken ni Sambrano, inaldaw nga agsususur da kadagiti nagduduma a barangay ditoy ciudad tapno agbakuna ti booster kadagiti residente.
Inlawlawag na a ti ibakbakuna da iti agdama para iti booster ket ti pfizer ken sinovac.
Malaksid iti panagbakuna da iti nagduduma a barangay ket inaldaw da pay nga agbakuna iti Basketball court iti City Hall ditoy ciudad.
Inpakaammo na a nabingay-bingay da iti siyam a grupo nga agsursursuro iti nagduduma a barangay ditoy ciudad ti Laoag ken agbakuna da kontra iti covid-19 agingga nga adda ti mayat a matudukan iti daytoy.
Inpalagip ni Sambrano a ti panagbooster ket nayun a proteksyon kontra iti covid-19 virus.
