LAOAG CITY – Naarestar ti maysa a psychometrician ken residente iti Brgy. 2 Sta. Joaquina ditoy siudad ti Laoag.
Daytoy ket babaen ti bileg ti warrant of arrest ken kaso na a panaglabsing iti cybercrime prevention act of 2012.
Segun ken ni PCol. Romnick Subia, namunganay ti pannakaiparuk-at ti warrant of arrest kalpasan a nagipost ti suspek kadagiti sarita a pammerperdi iti nagreklamo.
Kuna na nga idi immuna a naiserbi ti warrant of arrest ket naiget a naglikudan ti suspek ngem simmuko met laeng babaen kadagiti kameng ti CIDG.
Nairekomendar ti 72,000 a piyansa ti suspek para iti temporaryo a pannakawaya-waya na.
Kabayatanna, pinadas ti team ti Bombo Radyo Laoag a mangeggan ti takder ti suspek ngem nagkedked daytoy a nagsarita.
