LAOAG CITY – Kinumpirma ni Mr. Norberto Galiza, ti principal III ti Bacarra National Comprehensive High School nga adda dagiti mapaspasamak a panagkakabil dagiti estudyante.
Daytoy ket partikular a nakairamanan dagiti senior high school students.
Inbatad na nga idi laeng kalman ket adda ti nadamag da a nakabil a maysa a grade 12 student nu sadinno ket napigis iti eyelid na.
Gapo iti daytoy, dagus nga inawagan ti school nurse dagiti nagannak iti nasao nga estudyante tapno maipadait da iti eyelid ti ubing.
Kabayatanna, kuna ni Galiza a daytoy a pasamak ket normal laeng a sitwasyon kadagiti nagduduma a public schools.
Kunan a no saan a dumanon iti opisina na ket kayat na a sawen a nasolbar met laeng a sigud dagiti insidente iti uneg ti pagadalan.
Saan metten a nangipaay ti naan-anay a detalye ti principal mainaig iti daytoy gapo ta patyen na a normal laeng dagitoy.
