LAOAG CITY – Inpakammo ni Mr. Totsie Ilaga, ti Market Supervisor iti ili ti San Nicolas a bimmaba ti presyo ti karne ti baboy.
Segun kenni Ilaga, daytoy ket gapo ta makaanay metten ti suplay ti karne ti baboy iti nadakamat nga ili ken kalpasan a napanunumoan da a masapolen a maibaba ti presyo.
Kunana a ti nasao nga addang ket gapo ta nakita da a saanen a marigatan dagiti aglaklako nga agbirok ti partyen da a baboy.
Naamoan a ti lean meat ket 300 a pisos, iti ribs ket 270 a pisos, ti pata met ket ti 260 idinto a ti maskara ket 270, ti bagbagis ket 200 ken ti longganisa ket 330 a pisos.
Inbatad na pay a nangipan da ti tarpaulin nga isu ti pagibasaran ti publiko a mapan gumatang iti karne ti baboy iti nasao a merkado publiko tapno saan da a magundawayan.
