LAOAG CITY – Uma-apela ti tulong kangrunaan na ti pinansyal ni Mrs. Sheirly Pedi iti Barangay Sta. Cecilia iti ili ti San Nicolas kalpasan a nauram ti balay da.
Inbatad ni Pedi nga awan pulos ti naisalbar da nga alikamen da ken adda pay ti agarop 15 a ribo a pisos a kwarta dagiti annak na ti nairaman a nauram.
Inbatad na nga agpapan ita ket saanna pay a masinunuo no ania ti nangitunda iti napasamak nga uram.
Inpakaammo na a ti laeng anak na a Grade 10 ti adda iti balay da idi napasamak ti uram.
Innayon na a basar iti anak na ket nadlaw na nga arigna adda ti agrisrisak rason a rimuar iti balayda.
Maipalagip a malaksid iti balay da Pedi ket adda pay ti dua a pagtaengan a karaman a nauram a dagitoy ket kukua da Ronnie Pagadoan ken ni Precy Pagadoan.
Agtultuloy ti imbestigasyon dagiti otoridad mainaig iti nasao a pasamak.
