LAOAG CITY – Naisayangkat ti 4Ps Graduation Ceremony dagiti benepisiario ti 4Ps Program ditoy probinsia iti San Nicolas National High School.
Indauluan ni Department of Social Welfare and Development Secretary Erwin Tulfo ti graduation ceremony dagiti 823 a benepisiario ti Pantawid Pamilyang Pilipino Program (4Ps) ditoy probinsia.
Iti panagsarita ni Sec. Tulfo, inbatad na a ti nasao a programa ket saan nga isu ti maudi nga ipaay a tulong ti gobierno nasional para kadagiti graduate beneficiaries ti 4Ps.
Innayona nga ado pay ti mabalin nga ipaay a tulong ti ahensya a livelihood programs kas iti Sustainable Livelihood Program (SLP) ken tulong pinansial kas iti educational ken medical assistance.
Inbatad na a ti isasangbay ti tawen 2023 ket adda ti 500, 000 a pamilya a baro a benepisyaryo iti 4Ps.
Kuna na dagiti nasao a baro a benepisiario iti 4Ps ket maala manipud kadagiti solo parents, PWDs, mannalon, mangngalap ken dadduma pay babaen iti programa ti gobierno ni President Ferdinand “BongBong” Marcos Jr. a napaulwan ti “Walang maiiwan sa Pag-ahon ng Banda mula sa Pandemya”.
Malaksid ken Sec. Tulfo ket nagatendar pay ni Gov. Matthew Marcos Manotoc ken ni Mayor Mike Hernando iti ili ti San Nicolas.
