LAOAG CITY – Addan ti 12 a fireworks related injuries ti nairekord iti Rehiyon Uno, nagpatingga idi kalman, Disyembre 28.
Segun kenni Dr. Rheuel Bobis, Medical Officer IV iti Dept. of Health Center for Health Development iti Region 1, kaadoan idiay Pangasinan nga umabot iti siyam a kaso, dua met iti La Union, maysa iti Ilocos Sur ken awan met ditoy Ilocos Norte.
Kunana a ti kaubingan a nagbalin a biktima ket agtawen ti uppat ken ti kataengan ket agtawen ti 33 ngem ti age group a kaadoan a nagbalin a biktima ti paputok ket agtawen ti 10 agingga iti 44 wenno 33 a porsiento.
Inpakammo na a boga ti kangrunaan a naaramat a klase ti paputok rason a nagsagaba dagitoy ti burn injury iti bagi da kasta pay iti mata.
Kabayatanna, inbinsa-binsa ni Dr. Bobisno anya dagiti rumbeng nga aramiden para iti natalged a panangsarabo ti baro a tawen.
Daytoy ket babaen iti kampanya ti ahensya nga Iwas Paputok, Salubungin Natin ang Bagong Taon na Masigla at Kumpleto.
Segun kenni Bobis, babaen iti daytoy a programa ket magutgutigot dagiti amin a residente a saanen nga agusar ti paputok no diket usaren dagiti alternatibo, ken imbes nga agpaputok ket makipaset wenno agbuya laengen iti Communal Fireworks Display.
Inbalakad na pay ti panangselebrar a natalged ken maaramid daytoy no sumurot kadagiti Five Healthy Regalo kas iti panagpabakuna, panagusar ti facemask, airflow, agbunggo kadagiti ima ken lumiklik kadagiti pagdudupudupan dagiti tattao.
