LAOAG CITY – Umabot iti 13 a boga ti nakumpiskar dagiti kameng ti Philippine National Police (PNP) iti ili ti San Nicolas.
Daytoy ti inpakaammo ni Police Major Eduardo Santos, ti chief of police iti nasao nga ili.
Segun ken ni Santos, immuna a nakumpiskar da ti 10 a boga no sadinno nga inreport da a dagus daytoy iti Ilocos Norte Police Provincial Office (INPPO).
Kuna na a ti naudi a tallo a boga a nakumpiskar da ket isaruno danton nga ireport iti kampo.
Innayon na a ti palawag dagiti nagannak dagiti ubbing a nakakumpiskaran da ti boga ket saan da nga ammo a nagaramid dagiti annak da.
Kabayatanna, inpasingked ni Santos nga agtultuloy ti panagmonitor da kadagiti aglaklako ti paputok tapno masigurado nga awan dagiti makailibas nga aglako kadagiti illegal a paputok.
Malaksid iti daytoy, naiget pay a banbantayan da dagiti possible nga aglako ti paputok a saan a naipaayan ti permit ken dagiti agpaputok ti paltog iti panangsarabo ti baro a tawen.
