LAOAG CITY – Agtultuloy ti imbestigasyom ti Philippine National Police iti napasamak a panagtatakaw iti Brgy. 16 ditoy Siudad ti Laoag.
Segun kenni Patrolman Christian Lorenzana ti Investigator ti Investigation Section ti Philippine National Police ditoy Siudad ti Laoag, manarimaan pay laeng ti panagkalapda ti impormasion ken panagala ti kopya ti Close Circuit Television wenno CCTV camera a mabalin a nakaimuntar iti asideg ti nakapasamakan ti insidente.
Inbatad na a basar iti panakisarsarita da iti akinkukua ti pagtaengan a ni Jerome Diego Diza, agtawen ti 32, awanan asawa, Company Nurse ti Alorica ken residente ti nasao a Barangay ket agarup 6:20 ti bigat ti Enero 10, naduktalan ti biktima a mapukpukaw dagiti nagduduma a gamit na.
Karaman ditoy ti Laptop nga agmaris ti gray nga agbalor ti 20 a ribu a pisos, iPad mini2 nga agmaris ti puraw nga agbalor ti 15 a ribu a pisos, speaker nga agmaris ti berde nga addaan ti speaker nga agbalor ti 7 a ribu a pisos, sapatos nga agbalor ti 15 a ribu a pisos, maysa a pedaso ti hydro flask nga agbalor ti 4 a ribu a pisos.
Malaksid iti daytoy, naitaray pay maysa a pidaso ti hydro flask 22 oz nga agmaris ti nangisit nga agbalor ti 800 a pisos, dua a bagpack dagiti annak ti biktima nga agmaris ti nangisit, ken ti maysa a motorsiklo nga NMax nga agmaris ti nangisit, awanan ti plate number, addaan ti JPad top box ken addaan ti sticker a Jordan no sadino daytoy ket naka-parking iti kalsada a sango ti pagtaengan ti maseknan.
Inlawlawag ni Lorenzana a posible nga immuli dagiti suspek iti tawa ti salas iti maikadua a kadsaaran a pagtaengan ti biktima.
Kunana nga adda ti nakitada pay a two finger latent print iti sliding window ti Casa Del Pilar Resto Bar a masarakan iti baba ti pagtaengan ti biktima.
Innayonna a manarimaan metten ti panakisarsaritada kadagiti empleado ti nasao a Resto Bar no bilang adda dagiti nariparda a sabsabali a garaw kadayta a gundaway
