LAOAG CITY – Nagtalinaed iti ospital ti maysa a foreman kalpasan a nagsagaba ti sugat iti nagduduma a paset ti bagi gapu iti pannakakuryenta na iti Brgy. San Lorenzo iti ili ti Bangui.
Binigbig ni PMaj. Ramil Llarenas, hepe ti Philippine National Police-Bangui ti biktima a ni Lenard Udarbe, agtawen ti 41, foreman ken residente iti Brgy. 26 Salpad iti ili ti Pasuquin.
Kuna ni Llaranes a basar iti imbestigasyon da, apaman a sinungbatan ti biktima ti selpon na bayat nga adda iti tuktok ti galba ken agtartarmian iket dita a nakuryente.
Inbatad na nga adda ti maysa ken gudwa a kilometro ti kaadayo ti waya ti kuryente iti lugar ni Udarbe ngem posible a na-attakar ti kuryente rason a natamaan daytoy babaen iti selpon.
Gapu iti daytoy, inpakaammo na a nagsagaba ti sugat iti nagduduma a paset ti biktima ken dagus a naipan iti Bangui District Hospital ngem naiyakar iti Mariano Marcos Memorial Hospital iti siudad ti Batac.
