LAOAG CITY – Inbatad ti ama ti estudyante iti Barong National High School a nagpakawan kadakuada ti mangisursuro ken ken inawat da met daytoy bayat ti panagsasarita da.
Segun iti ama, nakaturog ti anak na iti pagadalan gapo ta napuyatan kalpasan a naggapo da iti probinsya ti La Union a napan nakikasar.
Inlawlawag na alas-diyes iti rabii idi nagbyahe da nga agawid ken binalakadan na ti anak na nga iturog na tapno saan unay a mapuyatan nangruna ket sumrek iti pagadalan iti kabigatan na.
Naamoan nga alas-kwatro iti parbangon iti nakadanon da iti pagtaengan da.
Mainaig iti daytoy, kunana nga iti 12:30 ti aldaw ket naiturog ti anak na iti uneg ti classroom da ken ditoy metten a napasamak ti panangikarga ti danom ti mangisursuro.
