LAOAG CITY – Inpakaammo ni Presidente Ferdinand Bongbong Marcos Jr. a mangnamnama ti gobierno a lumaka ti kuryente ti pagilian gapu kadagiti maipatpatakder a renewable energy.
Nupay kasta, masapol nga amin dagiti kooperatiba iti intero a pagilian ket maiyurnosda a naimbag ti distribusyon ti pannakaipadanon ti elektrisidad kadagiti consumers.
Inpalgakna a ti makitkitana a problema ket ti transmission ngem mamati daytoy a birbirukan dagiti adda iti pribado a kooperatiba ti solusyon ken mangpasayaat iti daytoy.
Kunana nga in-inot a marikna dagiti umili ti napintas a resulta ti renewable energy babaen ti panagkaykaysa ken panagtitinnulong dagiti maseknan.
