LAOAG CITY – Inlawlawag ni Mrs. Cherry Joy Garma, ti Information Officer ti DepEd – Laoag City a nabayagen ti video a nagwaras ken napagsasaritaan seknan iti pnangkabil ti ubing iti pada na nga estudyante iti Ilocos Norte National High School (INNHS).
Segun kenni Garma, ita laeng a rimuar ti video kalpasan nga inpost ti ama ti maysa kadagiti ubing ken saan na a ninamnama a makaala ti atensyon ti publiko rason a dagus na met laeng nga inikkat dagitoy.
Inbatad na nga ita met laeng a naamoan ti pagadalan ken idi kalman ket nagsasarita dagiti ubbing ken dagiti nagannak kadakuada ken nagbalin a nakapya daytoy.
Kunana a basar iti pagadalan ket namunganay ti panangkabil ti estudyante iti kaklase na gapo iti sinnutil agingga nga adda ti napikon ken nagkinnarit dagitoy.
Mainaig iti daytoy, inbatad na a basar kenni Mr. Jerry Carreon, ti principal ti Ilocos Norte National High School (INNHS) a ti maysa kadagiti ubing nga adda iti video ket nagkiddaw idi a modular ti wagas iti panagbasa na ken napatgan met daytoy idinto a ti maysa nga estudyante ket regular met a simsimrek.
Kabayatanna, naamoan a dagiti karaman nga estudyante ket dumalan iti counseling.
