LAOAG CITY – Umabot iti 60 nga indibidual ti pakaisayangkatan ti contact tracing babaen iti City Health Office kalpasan a natay ni Mr. Roderick Campus, agtawen ti 41, mannalon ken residente iti Brgy. Barit ditoy ciudad ti Laoag gapu ti maipagarop a pannakaimpektarna ti rabies.
Segun kenni Adaya, iti uneg ti 3 a bulan kalpasan a nakagat ti biktima ket ado paylaeng dagiti kinasangsango na nga imminum ken napanpay nakidaya ti maseknan.
Inbatad ni Adaya a masapol a dagiti amin a nakapulapol ti biktima ket mabakunaan ti anti-rabies.
Inlawlawag na a ti rabbies ket mabalin a maiyakar babaen ti katay rason a masapol a mabakunaan dagitoy.
Innayon na a no masapolan da amin dagitoy nga indibidual ket possible nga umado pay dagiti pangisayangkatan da ti contact tracing gapu ta sigurado nga adda met ti nakapulapol dagiti maseknan.
Kabayatanna, inbatad ni Adaya a saanda nga ammo nu siasinno ti akintaraken ti aso gapu ta rumrumwar a nakakurong-kurong ti biktima idi nakagat ken saan a dagus nakarikna ti sintomas ti mannalon.
Mainaig iti daytoy, mangestablisar ti ciudad ti Laoag ti Dog Compound ken adda ti mabukel a grupo tapno isuda ti agtilliw kadagiti walang nga aso.
Inpakaammo ni Mayor Michael Marcos-Keon a 72 a pagpupukan ti maestablisar ken possiblea manayun agingga iti 92 nu adda pay ti mausar a pondo.
Innayonna a 102 koma ti maestablisar a pagpupukan ngem masapol a maidak-dakkel dagiti cages gapu ta saan nga agpapada ti kadakkel dagiti aso.
