LAOAG CITY – Umabot iti agarop 25 ribo a kameng ti Philippine National Police (PNP) ti maiwaras iti Metro Manila para iti maikadwa nga State of the Nation Address (SONA) ni Presidente Ferdinand Marcos Jr.
Basar ken ni Quezon City Police District (QCPD) Director Police Brigadier General Nicolas Torre III, umabot iti 8,000 a police officers ti madutukan a mangipasigurado ti kinatalged iti publiko iti Quezon City Memorial Circle ken iti kamara de representantes.
Immunan a rinugyan dagiti maseknan nga otoridad ti nagsagana ken nagsanay para iti possible a scenarious kabayatan ti State of the Nation Address ti presidente pakairamanan dagiti maiyuswat a tignay protesta intono Hulyo 24.
Inpasigurado ni Torre nga uray ado dagiti mangiyuswat ti tignay protesta no sumurot da ti iyetnag da a pagalagadan ket awan ti agbalin a problema ken inpasigurado na a saan a dagiti pulis ti mangirugi ti riribok.
Manamnama a karaman kadagiti mangiyuswat ti rally ket ti Progressive group Bagong Alyansang Makabayan (Bayan) kontra iti Maharlika Investment Fund, panagngato ti presyo dagiti kangrunaan a magatgatang ken ti nababa a sweldo.
