LAOAG CITY – Nagkedked ni Pres. Ferdinand Marcos Jr. a mangipaay ti detalye iti panataripnong da kenni dati a presidente Rodrigo Duterte, gappo ta “confidential” ti anyaman a nagsaritaan da.
Ummunan a nagtaripnong ni Marcos ken Duterte iti Malacañang idi napalabas a lawas no sadinno napagsaritaan da ti panagkita met ni Duterte ken ni Chinese President Xi Jinping idiay China idi Hulyo ken dadduma pay nga isyu ti natratar.
Segun kenni Marcos, adda dagiti banbanag a napagsaritaan da kenni Duterte a nasken nga agbalin a pribado iti nagbaetan da dua.
Inlawlawag a a sumagmamano kadagiti natratar ket ti operational aspects iti military, Navy, ken Coast Guard, isut gapo na a narigat nga irakurak na daytoy iti publiko.
Ni Duterte ket Xi ket nagkita sumagmamano nga aldaw kalpasan ti pananglagip ti Pilipinas ti maikapito a tawen nga anibersaryo na iti arbitral ruling a nang-invalidated iti claim ti China iti West Philippine Sea.
Rumrumuar a ginutigot ti Chinese leader ni Duterte nga itultuloy na ti ar-aramiden na nga efforts tapno maitandudo ti promotion iti nagbaetan dagiti dua a pagilyan.
