LAOAG CITY – Balligi a natiliw ti maysa a lalaki gapo iti panagikot ken panagitutok na ti paltog iti maysa a lalaki iti Barangay 28 ditoy ciudad ti Laoag.
Nabigbig ti subject ti operasyon a ni Clifford Raymundo, dati a chief ti Security Gaurd ken residente iti Barangay 28 ditoy ciudad.
Segun ken ni Police Lt. Col. Joseph Baltazar, chief of police ditoy ciudad, nakita dagiti kameng ti Philippine National Police iti ili ti Vintar ni Raymundo a nakaiggem ti shot gun rason nga inreport da iti Ilocos Norte Police Provincial Office (INPPO).
Dagus met a nagresponde dagiti Provincial Intelligence Unit ken dagiti kameng ti Philippine National Police ditoy ciudad ken balligi a naala da dagiti paltog.
Inbatad na nga iti imbestigasyon da ket adda ti kinariri ni Raymundo a lalaki nga agpapaay iti maysa a construction supply agingga a napan na innala ti paltog na ken intutok na iti maseknan.
Naala pay dagiti otoridad ti maysa a kalibre 45 a paltog, maysa a 12 gauge shot gun, buneng, army knife ken ado a balbala.
Inlawlawag ni Baltazar a basar met ti palawag ni Raymundo, maipagarop a kurkursunadaen isuna dagiti empleado ti Domingcil quarry.
Mainaig iti daytoy, kuna ni Baltazar a naamoan da a datin nga agpappaputok ti paltog ni Raymundo iti nadakamat a lugar.
Kinumpirmaran ni Baltazar nga adda ti lisensya ti paltog ni Raymundo ngem awanan daytoy ti permit to carry ken ti shotgun na ket saan pay a naaprubaran ti lisensya na.
Manamnama met a mapilaan ti kaso a panaglabsing iti Comelec gunban ken illegal possession of firearms ni Raymundo.
Kabayatanna, inpetteng ni Raymundo a nakigtot laengen gapo ta bayat a matmaturog iti dayta a gundaway ket maipagarop a simrek dagiti otoridad.
Inpalgak na nga awan pulos ti tinutukan na ti paltog ken inadmitir na nga adda ti gundaway nga agpappaputok ti paltog iti likod ti pagtaengan na.
