LAOAG CITY – Maysan a nalamiis a bangkay idi nabirukan ti maysa a lalaki iti waig iti paset ti Sitio Bacung, Barangay Paratong iti ili ti Paoay.
Nabigbig ti biktima a ni Silvestre Bonaobra, agtawen ti 59 ken residente iti Barangay Tabug iti ciudad ti Batac.
Segun iti Philippine National Police iti ili ti Paoay, nagturong ti maysa a residente iti waig iti barangay da a nakakonektar iti Quiaoit River iti ciudad ti Batac idi nakita na ti lalaki nga awan ti bado na iti igid ti waig.
Dagus a naipakammo daytoy kenni Barangay Chairman Oliver Mangligot iti Barangay Paratong ken isu ti nangitawag iti Philippine National Police.
Nagresponde dagiti otoridad pakairamanan ti Municipal Health Officer ken indeklara na a pimmusay ti biktima gapo iti pannakalmes na.
Inbatad met ti Philippine National Police nga awan ti senyales nga adda ti napasamak a foul play iti nasao nga insidente.
Naamoan a ti biktima ket ummunan a mapukpukaw.
