LAOAG CITY – Natay ti maysa a lalaki kalpasan a nalmes iti kaar-aramid a bubon iti Brgy. 40, Balatong ditoy ciudad ti Laoag.
Nabigbig ti biktima a ni Jaime Polenday, agtawen ti 24, baro, construction worker, ken residente iti Brgy. 10 Lubigan, iti ili ti Badoc.
Basar iti imbestigasyon ti Philippine National Police ditoy ciudad ti Laoag, napan ti biktima iti kaar-aramid laeng a bubon tapno agala ti tukak.
Nupay kasta, naripar dagiti kakadwa na nga agpapaarayat ken iti papanda koma panangarayat ket napukawan ti poot a nangitunda ti pannakalmes na.
Nagtitinnulong dagiti kameng ti Philippine National Police ken Bureau of Fire Protection manipod iti ili ti San Nicolas a nangiyaon iti biktima.
Naitaray ti biktima iti Gertes Hospital iti ili ti San Nicolas ngem naideklarar a dead on arrival babaen ken ni Dr. Geminiano no sadinno a ti nangitunda ti pannakatay ni Polenday ket gapu iti Cardiopulmonary Arrest due to Asphyxia secondary to Drowning.
