LAOAG CITY – Maiyuswat intono bigat ti committee hearing iti Sang. Panlungsod ditoy ciudad ti Laoag mainaig iti nababa a presyo ti live weight ken ti nangato a presyo ti karne ti baboy iti merkado publiko.
Segun kenni Sang. Panlungsod Member Bryan Alcid, masapol a maduktalan no anya ti rason ti panagbaba ti presyo ti live weight nangruna ket naamoan nan no siasinno ti mangidadaulo kadagiti hog raisers ditoy ciudad.
Kalikagom na a maimbitaran ni Mr. Lynder Agbayani seknan iti reklamo a panagbaba ti presyo ti live weight ken no mangngegan to met ti takder dagiti meat vendors intono Setyembre 22 bayat ti maiyuswat nga hearing iti merkado publiko iti panangidaulo ni Konsehal Jason Perera.
Maipalagip nga iti napalabas a sesyon ti konseho ditoy ciudad ket adda dagiti nagsurat nga hog raisers kenni Vice Mayor Carlos Fariñas seknan iti presyo ti kada kilo ti live weight nga isu ti kangrunaan a problema da.
