LAOAG CITY – Nagballaag ni Police Chief Master Sergeant Eric Bumagat, ti mangidadaulo iti Philippine National Police – Laoag Traffic Division kadagiti pasaway a motorista a saanda nga agi-park kadagiti nakaestablisar ti “No Parking” signages.
Inlawlawagna a mangisaysayangkatda ti road clearing operation kadagiti maibilang a busy road ditoy siudad tunggal aldaw ti Martes ken Biernes tapno saan a makaabbeng kadagiti dumaldalyasat a motorista ken mangpairot ti taray iti trapiko.
Inbatadna a ti kangrunaan a kalsada a pakaipatpatungpalan ti road clearing operation ket iti paset ti Giron Street, Juan Luna Street pakairamanan dagiti sangoanan dagiti pagadalan ditoy siudad.
Kunana a saan a bumaba ti sangapulo a motorista dagiti agsalsalungasing iti linteg trapiko tunggal iyuswatda ti road clearing operation.
