LAOAG CITY – Sinungbatan ni Brgy. Kapitan Glenda Tamayo iti Brgy. 17 San Felipe ti ili ti Sarrat ti alegasyon ni kagawad Angel Baradi mainaig iti pondo a naiyalokar para materials ti multicab ken gasolina a nausar ti barangay.
Segun kenni Tamayo, ti gasolina ket nausar para iti generator ken nagbalin a charging station iti barangay idi nagpukaw ti kuryente gubuay ti bagyo.
Kunana pay a ti gasolina ket inusar da kadagiti dadduma pay kagamitan ti barangay kasta pay iti kurong-kurong.
Mainaig iti daytoy, inpetteng na a ti multicab da ket nausar idi Abril para iti pannakatarimaan ti Day Care Center iti barangay da no sadinno ket pinagbunag da daytoy ti batbato ken darat.
Inpetteng na a ti nailanad a presyo iti dokumento ket inasar da iti panag-canvass da.
Saan met a nagkomento ni Tamayo iti alegasyon ni Baradi a tunggal item a nailanad iti dokumento ket nairaman ti labor.
Kuna pay ti kapitan a mainaig met iti resibo iti panagpatarimaan ti multicab ket isu kuma lattan a pagsasaritaan da iti uneg ti barangay.
Kabayatanna, inpetteng na a saan na a piliten ti Kagawad nga agpirma iti nasao a dokumento.
