LAOAG CITY – Awan ti nagpila a kandidato a para Sang Kabataang Officials iti Barangay San Roque iti ili ti Vintar ken iti Barangay San Julian iti ciudad ti Batac para iti Barangay ken Sang Kabataang Elections a maiyuswat intono Oktubre 30 ita a tawen.
Daytoy ti kinumpirmaran ni Atty. Alipio Castillo III, ti Provincial Election Supervisor ditoy probinsya.
Inlawlawag na nga iti baet nga awan ti nagpila a kandidato a para Sang Kabataang Officials kadagiti nadakamat a lugar ket awan ti maisayangkat nga special elections gapu ta awan ti napasamak a failure election.
Kuna na a saan met a mabalin a mangdutuk ti mayor ken uray ti gobernador para kadagiti nasao a posisyon gapu ta
awan ti nadiskwalipika, nagretiro, nagsakit ken saan a naaddaan ti vacant position.
Innayon na a saan pay a mabalin ti succession isut gapuna nga inbatad ti Department of the Interior and Local Government nga iyuman da daytoy a banag ken ni Presidente Ferdinand Marcos Jr.
