LAOAG CITY – Natiliw dagiti uppat nga indibidual gapu iti illegal a panagsusugal da iti Sitio Vira, Brgy. 20, Callusa iti ili ti Piddig.
Basar iti Philippine National Police iti ili ti Piddig, nagresponde da a dagus apaman a naawat da ti report nga adda ti maipagarop nga agsusugal iti lugar.
Apaman a nakadanun dagiti otoridad iti lugar ket naaktwan da dagiti suspek nga agay-ayam ti “Lucky 9”.
Nakumpiskar dagiti otoridad iti lugar ti 40 a pedaso ti baraha, maysa a tablecloth, maysa a monoblock table, 10 a monoblock chairs ken ti maipagarop a pusta dagiti suspek nga umabot iti 14,870 a pisos.
Iti agdama, maisagsaganan ti maipila a kaso a panaglabsing iti Presidential Decree 1602 wenno illegal a panagsusugal kontra kadagiti suspek.
