LAOAG CITY – Inaprubaran ti konseho ti maysa a resolusyon para iti pannakapalukay ti panagsuot ti helmet iti ili ti Solsona.
Daytoy ti inbatad ni Konsehal Marvin Pascua, Chairman ti Committee on Peace and Order iti nasao nga ili.
Segun ken ni Pascua, nagbotos da amin a kameng ti konseho pabor iti nasao a resolusyon.
Inlawlawag na a gagem ti nasao a resolusyon ket tapno maantisiparan dagiti possible a mapasamak a krimen nga adda ti pakainaigan dagiti riding-in tandem kangrunaan na ket mapaspasangasangan ti pannakaiyuswat ti Midterm Elections iti pagilian.
Kuna na a no awan ti suot nga helmet dagiti agipatungpal ti krimen ket al-alisto da laeng a mabigbig.
Inpakaammo ni Pascua a naipalaon iti resolusyon a no adda iti national roads a paset ti ili ti Solsona ket isu laeng ti panagusar ti helmet, ngem no addan iti poblacion ken kadagiti barangay roads ket ikkatenen daytoy.
Mainaig iti daytoy, inbatad ni Pascua nga inkoordinar dan ti inpasa da a resolusyon iti chief of police iti ili ti Solsona.
