LAOAG CITY – Nadadael ti US forces kangrunaan na ti United States European Command detroyers ti nasurok a 80 nga attack drones ken 6 a ballistic missiles nga inpabanto ti Iran ken Yemen a ti puntirya da ket ti Israel.
Segun iti United States Central Command (CENTCOM), karaman ditoy ti maysa a ballistic missile manipod iti launcher vehicle ken 7 nga unmanned aerial vehicle (UAV) a nadadael iti ground sakbay pay a nangipatungpal ti panagatake kadagiti lugar a kontrolado ti Iran-backed Houthis iti Yemen.
Immunan a nangiparuk-at ti drones ken missiles ti Iran idi rabii ti Sabado kontra iti Israel kas panangsubbot da iti naipabanto nga airstrike iti Konsulada da idiay Damascus, Syria idi Abril 1 a nakatayan ti sumagmamano a top Islamic Revolutionary Guards commanders.
Umab-abot iti nasurol a 300 a missiles ken drones ti inpabanto ti Iran a nasada ken napabagsak ti Iron Dome defense system ti Israel babaen iti tulong ti Estados Unidos, Britain, France ken Jordan.
Inpasigurado ti US military nga agtalinaed da a nakasagana tapno suportaran ti depensa ti Israel kontra iti narisgo nga aksyon ti Iran ken itultuloy da ti mangipaay ti seguridad kadwa da amin ti regional partners da nasao a rehiyon.
