LAOAG CITY – Inrakurak ti state weather bureau a Philippine Atmospheric, Geophysical, and Astronomical Services Administration a ti agdama a maximum a pangibasaran ti temperatura para iti Mayo ket maminsan manen a kuntarenda ti aktual a temperatura iti sumaruno a bulan ket posible a maartapanna ti nai-publish a panangibasaran ti nakaro a temperatura.
Daytoy ket kalpasan a nakairekord ti ahensia ti temperatura a 40 degrees Celsius iti Echague, Isabela idi Lunes nga addaan ti kangato a 0.3 degrees no idasig iti inisyal a pangibasaran. Daytoy ti kangatoan a temperatura a nairekord iti Pilipinas para iti 2024.
Inbatad ti Philippine Atmospheric, Geophysical, and Astronomical Services Administration nga addaan ti wagas tanp maammoan no agbalin a nabara ti maysa nga aldaw.
Ti panagpukaw dagiti ulep ket mangipasimudaag a ti direkta raniag ti init ket radiated nga agturong iti daga nga isu ti mangitunda ti panagngato ti temperatura.
Bayat a dagiti kaso ti heat exhaustion ken heat stroke ket nairekord iti nagduduma a paset ti pagilian, dagiti eksperto ket agtultuloy a mangipalpalagip iti publiko maipapan kadagiti addang tapno maliklikan ti heat stress iti panawen ti nabara a temperatura.
