LAOAG CITY – Rugyanen ti Senado intono Martes, Abril 30 ti imbestigasyon iti report nga adda ti sumagmamano a doktor nga addaan ti share wenno agtagikua ti pharmaceutical company ken agresreseta da kadagiti pasyente ti bukod da nga agas.
Idaulwan iti imbestigasyon ti Senate Committee on Health nga idadaulwan ni Senador Bong Go.
Segun ken ni Go, saan a nakaaawat ti conflict of interest ti sumagmamano a doktor ken ti panaglabsing dagitoy iti ethical standards iti medical profession kangrunaan na ket biag dagiti Pilipino ti nakataya.
Gagem pay ti imbestigasyon nga adalen ti possible a panangamendar wenno panangipasa ti ad-adda nga isktrikto a regulasyon tapno masalwadan ti integridad ti medical profession maiturong iti pannakaprotehir ti biag ken salun-at ti kada Pilipino.
Kinarit pay ni Go ti Department of Health ken ti PRC wenno Professional Regulations Commission nga imbestigaren ti nasao nga alegasyon.
