LAOAG CITY – Nangiparuk-at ti executive order ni Mayor Joseph de Lara iti ili ti Solsona mainaig iti schedule ti panagklase kadagiti pagadalan iti nasao nga ili.
Naipalaon iti nasao nga executive order a masapol a maisapsapa ti panagklase kadagiti pagadalan gapu iti mapaspasaran a nakaro a kinabara ti panawen.
Epektibo ita nga aldaw ket mangrugin ti klase kadagiti pagadalan manipod, pre-school, elementarya agingga iti sekondarya iti oras ti alas-siete ti bigat agingga iti alas-onse ti bigat.
Ti nasao a pammilin ket maiyaplikar nga agpada iti pampubliko ken pribado a pagadalan iti ili ti Solsona.
Kabayatanna, maipatungpal iti malem ti alternative modes of learning, karaman ditoy ti online classes, take-home assignments, ken distance learning materials.
