LAOAG CITY – Respetaren ti Department of Health ti nagbalin a rekomendasyon ti Office of the Ombudsman kontra ken ni dati nga Health Secretary Francisco Duque III.
Daytoy ket mainaig paylaeng iti pannakainairaman ni Duque iti irregular transfer ti nasurok nga 41 a bilyon a pisos a balor ti procurement ti COVID-19 supplies idi 2020.
Segun ken ni Department of Health Spokesperson Albert Domingo, respetaren ti departamento dagiti amin a legal proceedings mainaig iti daytoy kagiddan ti panangikari na a tumulong da kadagiti maseknan no kasapulan.
Maipalagip nga inrekomendar ti Ombudsman a mapilaan ti graft charges da dati a Department of Budget and Management Undersecretary Christopher Lao ken dati nga Health Sec. Duque kalpasan a nakita a dagitoy ket guilty iti grave misconduct, gross neglect of duty, ken conduct prejudicial to the service gapu iti maipagarop a maanomalya a katulagan a nakairamanan da idi pandemya.
