LAOAG CITY – Nasurok 100 a tattao ti kinidnap dagiti armado a lallaki iti panangraut kadagiti tallo nga ili iti amianan a daya ti Nigeria.
Daytoy ti rakurak ti mangidadaulo ti distrito ken dagiti residente idi Sabado.
Ti panagkidnap jet nagbalin nga endemic iti amianan a laud ti Nigeria idinto dagiti roving gang dagiti armado a lallaki ket kinidnapda dagiti tattao manipod iti ili, highway ken pagadalan ken dumawat ti ransom money manipod kadagiti kapamiliada.
Inbatad ni Alhaji Bala, mangidadaulo iti maysa a distrito iti lokal a gobierno ti Birnin-Magaji ti Zamfara, rinaut dagiti armado a lallaki dagiti agnanaed iti Gora, Madomawa ken Jambuzu.
Iti agdama, dumanon iti 38 a lallaki ken 67 a babbai ken dagiti ubbing ti mapukpukaw a mapapati a na-kidnap.
Ti Zamfara ti maysa a maibilang nga hotspot dagiti kidnapping gangs.
