LAOAG CITY – Inbatad ni Pope Francis a dagiti konserbatibo a kritiko iti uneg ti simbaan Romano Katoliko idiay Estados Unidos ket nabalud iti maysa a “suicidal attitude”.
Iti interview ken ni Pope Francis, nasaludsud kenkuana ti konserbatibo a reaksyon kontra iti panagbalin na a santo papa no sadinno nga ado dagiti kritiko na ket miembro ti klero iti Amerika.
Insungbat ni Pope Francis a ti konserbatibo ket maysa a tao a nakadependar laeng iti maymaysa a banag ket saanna a kayaten ti makakita ti ad-ado a pagsayaatan.
Maipalagip a sipud naelektaran kas mangidaulo ti simbaan idi 2013, ti santo papa ti makilablaban iti conservative wing.
Karaman kadagiti konkontraen ti konserbatibo ket dagiti gandat a pannapagbalin a naluklukay ti simbaan iti komunidad ti lesbian, gay, bisexual, and transgender (LGBT) ken maipaayan dagiti layman ti ad-ado a responsibilidad iti simbaan.
