LAOAG CITY – Agtultuloy ti naiget nga emergency services tapno maisalakan dagiti naruay a biktima iti massive landslide iti Enga province idiay Papua New Guinea.
Basar kadagiti otoridad, mapagam-amkan a ginasut a tattao dagiti natay gapu iti insidente.
Marigatan dagiti rescuers a dumanun iti lugar gapu ta nadadael amin dagiti kangrunaan a kalsada, ken madanun laeng ti naapektaran ti massive landslide babaen iti panaglugan ti helicopter.
Naamoan a gapu iti napasamak a landslide ket nagaburan ti ginasut a balbalay iti nadakamat a probinsya.
Agpapan ita ket saan pay a nalawag no mano amin dagiti tattao a nagaburan kalpasan ti napasamak a landslide.
Mainaig iti daytoy, inpakaammo ti United Nations Resident Coordinator’s Office iti Papua New Guinea a ti local emergency response team ket nakakali dan ti tallo a bangkay.
