LAOAG CITY- Pimmusayen ti songwriter ken composer a ni Richard M. Sherman iti tawen na a 95.
Ni Sherman ket maysa kadagiti writer ti Disney films kas kadagiti Mary Poppins ken Chitty Chitty Bang Bang.
Pimmusay ni Sherman iti ospital ti Cedars-Sinai Medical Center idiay Los Angeles gapu iti kinataeng na.
Maipalagip a ni Sherman kadua na ti pimmusay met laeng a kabsat na a ni Robert, ket nabigbig kas Songwriters Hall of Fame idi 2005 ken nakaawat da pay ti US National Medal of the Arts idi 2008.
Karaman ti Aristocats, Bedknobs ken Broomsticks ken ti Winnie the Pooh shorts kadagiti dadduma pay a produksion ti Disney a nangitampok kadagiti insurat ni Sherman.
