LAOAG CITY – Nagballigi ti maysa nga Army Officer iti Miss USA.
Ti agtawen iti 22 a ni Alma Cooper a manipud iti Michigan ket nangabak kadagupan kadagiti 50 a dadduma pay a contestant.
Addaan isuna ti Masteral iti data science idiay Stanford University.
Napadayawan kas first runner up ni Connor Perry ti Kentucky idinto a ni Danika Christoperson ti Oklahoma kas second runner up.
Ni Cooper ket maikatlo a nakagun-od ti titulo a Miss USA ita a tawen gapu iti panangibabawi iti puesto ti nangabak idi 2023.
Kinoronaan isuna ni Savannah Gankiewicz ti Hawaii nga isu ti akin-iggem ti titulo idi Mayo gapu iti panaglusulos iti puesto ni Noelia Voigt ti Utah gapu kadagiti kontrobersial.
Inbutaktak ni Voit a naaddaan ti “toxic work environment” no sadinno adda ti napasamak a bullying ken harassment a napaay a kontrolen ti Miss USA organization.
