LAOAG CITY – Maysa a babai manipud idiay Virginia, U.S.A. ti nagasat a nangabak ti 1 million dollars kalpasan nga inkabilna ti lottery ticket iti maysa a saan a gagangay a pangidulinan, iti bibliana.
Ni Jacqueline Mangus ket gimmatang ti tiket para iti New Year’s Millionaire Raffle ti Virginia Lottery iti Lake Mart & Deli iti Scruggs Road, Moneta.
Imbes nga idulinna iti pitakana wenno iti maysa a karton, inkabilna daytoy iti uneg ti bibliana, maysa a desision a nangikabil kenkuana ti napintas a gasat.
Kabayatan nga agbuybuya iti damdamag, naammoanna a ti winning lotto ticket a ginatangna iti Moneta a nagtayyaanna.
Dagusna nga innala ti tiket manipud iti biblia ken nakigtot idi isuna ti jackpot winner.
Inbatad ni Mangus, napalaos ti kinaragsakna ken saanna a ninamnama ti napasamak kenkuana.
Iti agdama, saanna pay a masinunuo no kasanona a gastosen ti inabakna a premio.
