LAOAG CITY – Naiget ti panagsagsagana ti City Agriculture Office para iti pannakaiyuswat ti fluvial parade kas paset iti panagngudon iti Pamulinawen Festival ditoy ciudad ti Laoag.
Daytoy ti inbatad ni Engr. Shiela Opelac, ti mangidadaulo iti City Agriculture Office ditoy siudad ti Laoag.
Inpakaammo ni Opelac a mailibot ni Apo San Guillermo manipod iti St. William Cathedral church, mailikaw iti merkado publiko kalpasan na ket maidereston daytoy iti Brgy. Metro Gabu ken mailugan iti motorize bangka tapno maikabil iti Brgy. Metro Lapaz nga isunto iti pakabendisionan na.
Ti fluvial parade ket nakadaywan a maiyus-uswat iti maudi nga aldaw iti Pebrero gapu ta isu iti panagleppas iti Pamulinawen festival ditoy siudad ti Laoag.
