LAOAG CITY – Inrakurak ni Ms. Rowena Nicolas, Nurse III ti City Health Office nga accredited ti Philippine Health Insurance wenno PhilHealth kas kabinnulig iti pannakaipatungpal ti Konsulta Package.
Inbatadna a kalpasan ti sumagmamano a bulan a panangisaganada kadagiti nagduduma a kasapulan ket nangisayangkat ti PhilHealth ken Department of Health – Region I iti napalabas a lawas ti virtual assessment tapno i-validate dagiti requirements.
Kunana a kalpasan iti daytoy ket balligi a nakapasa ti City Health Office.
Gapu iti daytoy, inpettengna a manarimaanen ti panangiplastarda kadagiti kasapulan nangruna kadagiti electronic medical record-da a kasapulan iti pannakaipatungpal ti nasao a programa.
Innayonna a manamanma nga inton bulan ti Marso ti pannakaawatda ti sertipiko nga opisialda a mangrugin ti Konsulta Package.
Kabayatanna, naammoan a saan laeng a dagiti taga ditoy siudad ti Laoag ti mabalinda nga ipaayan ti serbisio no di ket parakairamanan pay dagiti residente manipud kadagiti sabali nga ili.
