LAOAG CITY – Limmawa ti naapektaran ti Ebola outbreak idiay Democratic Republic of Congo kalpasan a nairekord dagiti kaso iti dua a baro a health zones, basar iti World Health Organization.
Karaman kadagiti baro a naapektaran a lugar ket ti Bulu idiay Sud, Ubangi province ken idiay Dungu Haut-uele province, nga asideg iti border ti South Sudan.
Gapu iti daytoy, umboten iti 63 a health zones iti pito a probinsia ti naapektran.
Basar iti World Health Organization, nakairekorden ti Congo ti 7,890 a kumpirmado a kaso no sadinno manidup kadaytoy a bilang ket 3,799 kadakuadan ti natay.
Inadmitir ni World Health Organization Director-General Tedros Adhanom Ghebreyesus a marigatanda iti contact tracing ken kasta payen ti pangipatulodda kadagiti health worker.
Innnayon pay ni Tedros nga awan pay ti naaprubaran a bakuna ken treatment para iti Bundibugyo strain ti ebola, iso ti gapuna a papaalistuen ti World Health Organization ti clinical trials para kadagiti posible a maimbento a bakuna ken agas.
