LAOAG CITY – Kinumpirmaran ti Democratic Republic of Congo (DRC) nga immaboten iti 2,000 nga indibidual ti nairekord a natay gapu iti Ebola outbreak ti pagilianda.
Mainaig iti daytoy, nakairekord ti pagilian ti Congo ti 4,381 a kumpirmado a kaso no sadinno ket 2,011 kadagitoy ti nairekord a natay.
Ti nasao nga outbreak ket naideklarar idi Mayo 15 ngem segun kadagiti eksperto, immunan a nakairekord ti Congo ti 1,000 a natay iti Ebola sakbayda nga indeklarar ti maysa nga outbreak.
Kabayatanna, ti Ebola outbreak a mapaspasaran ti Democratic Republic of Congo (DRC) ket ti maika-17 a kadakkelan nga outbreak a napadasan iti intero a Central African nation.
