LAOAG CITY – Nakatutok ita ni Pinoy figure skating star Michael Martinez iti panangisuro kadagiti sumaruno nga henerasion nga skaters.
Inbatadna a kaduana da American Olympic figure skaters ken United States Figure Skating Hall of Fame recipients Maia ken Alex Shibutani a mangisursuro kadagiti interesado iti nasao nga sports.
Naragsak daytoy iti panangiburayna kadagiti ammona ken panangisuro kadagiti interesado iti ay-ayam.
Mamati daytoy a kabaelan ti Pilipinas nga agballigi kadagiti winter sports.
Naudi a nakipaset ni Martinez idi 2018 iti Winter Olympics a naisayangkat idiay Pyeongchang, South Korea.
